Kosova
Detaje nga shpëtimi i turistëve në Malin e Jezercës
Më 30.03.2024 rreth orës 11:00, Shërbimi i Kërkim-Shpëtimit Malor i Kosovës ka pranuar një thirrje emergjente nga Policia e Bajram Currit dhe qendra e Emergjencave Civile Shqiptare për ndihmë në një aksident malor në majën e Jezercës.
“Sipas informatave të para, një bjeshkatare me shtetësi kroate kishte rrëshqitur nga faqja malore shumë afër majës së Jezercës në drejtim të greminës, dhe grupi tjetër i bjeshkatarëve nuk kishin më komunikim me viktimën, por kanë pasur qasje në valë dhe kanë lajmëruar autoritetet për ndihmë. Ekipi ynë së bashku me policinë e shtetit shqiptar dhe me anëtar të shërbimit të kërkim shpëtimit malor kanë filluar një operacion të shpëtimit nga lugina e Valbonës, duke u transportuar me helikopter deri në një pikë të afërt ku ka pasur mundësi aterrimi”, thuhet në njoftimin e ShKShMK.
Tutje bëhet e ditur se fillimisht është krijuar qasja për tek trupi i viktimës, derisa është dashur 10 orë për të përfunduar aksioni për qasjen tek bjeshkatarët që ishin shtetas kroatë dhe serbë.
“Fillimisht është bërë qasja te viktima L.Z. e lindur më 1981, e cila kishte pësuar lëndime vdekjeprurëse dhe ishte gjetur pa shenja jete, pastaj është realizuar bartja e kufomës deri në helikopter për transport në spitalin më të afërt. Kurse operacioni ka vazhduar me qasje te pjesa e tjetër e grupit, të cilët ishin ngujuar në një pozitë të rrezikshme ( 7 bjeshkatarë, 4 shtetas të Kroacisë dhe 3 të Serbisë). Me të arritur te të ngujuarit, shpëtuesit tanë kanë ndërtuar sistem të sigurisë me litar duke i lëshuar deri në pikë të sigurt (evakuim teknik) dhe nga aty janë evakuuar në drejtim të fshatit Vuthaj të Malit të Zi. Në pjesën malazeze është bërë koordinimi me Shërbimin e Shpëtimit Malor të Malit të Zi “GSS Crna Gora” dhe operacioni ka përfunduar me sukses pas 10 orëve të plota”, thuhet në njoftim.
E-Diaspora
-
Jehon kënga e vallja shqipe në sheshin e qytetit Thun Në sheshin kryesor të qytetit Thun, Kantoni i Bernës në një organizim festiv, shumë njerëz kalimtarë...
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
Jeta në Zvicër
-
Jehon kënga e vallja shqipe në sheshin e qytetit Thun Në sheshin kryesor të qytetit Thun, Kantoni i Bernës në një organizim festiv, shumë njerëz kalimtarë...
-
Bashkëpunimi Zvicër-Kosovë, diskutojnë Rafuna e Fetahi
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023