Kosova

Dezinfektohen edhe paratë e gatshme

Në mënyrë që të mbrohemi nga infektimi me koronavirusin

E diel, 29 Mars 2020 - 17:30 albinfo.ch

Banka Qendrore e Republikës se Kosovës ka njoftuar se në vazhdimësi po dezinfekton ndërtesën dhe paratë e gatshme.

Ky proces po ndodh, në kuadër të masave për parandalimin e përhapjes dhe mbrojtjes nga pandemia, thuhet në një përgjigje për Radion Evropa e Lirë nga zyrtarë të BQK-së.

“Banka Qendrore e Republikës së Kosovës ka marrë të gjitha masat e duhura konform vendimeve dhe udhëzimeve të organeve kompetente”, thuhet në përgjigje, përcjell albinfo.ch.

Deri më tani në Kosovë janë regjistruar 91 raste me koronavirus, një pacient ka vdekur dhe një është shëruar.