Lajme
Dhoma e Kantoneve hedh poshtë iniciativën për ndalimin e burka-s
Me 34 vota kundër dhe me 9 pro, dhoma e lartë e parlamentit ka hedhur poshtë dhe njëherësh ka rekomanduar për refuzim, iniciativën për ndalimin e burka-s
Dhoma e Kantoneve e Parlamentit të Zvicrës ka vendosur: Nuk do të ketë ndalesë që do të vlente në gjithë Zvicrën, të mbulesës së plotë myslimane të grave, burka-s. Në këtë mënyrë, me 34 vota kundër dhe me 9 pro, dhoma e lartë e parlamentit ka hedhur poshtë dhe njëherësh ka rekomanduar për refuzim, iniciativën për ndalimin e burka-s, shkruan srf.ch.
Kjo iniciativë kërkon që në gjithë Zvicrën dhe në të gjitha ambientet publike të ndalohet mbulimi i fytyrës, transmeton albinfo.ch. Prapa iniciativës në fjalë qëndron “Komiteti i Ergenkingen-it”, i drejtuar nga deputeti nacional i SVP-së, Walter Wobmann. Ky komitet, disa vite më parë kishte udhëhequr iniciativën për ndalimin e minareve në nivel vendi, iniciativë kjo që kishte pasur sukses.
Dhoma e Kantoneve ashtu sikurse edhe Këshilli Federal (qeveria), në kundërshtim me atë që kërkon iniciativa, kanë dhënë një kundërpropozim indirekt për një ndryshim të ligjit, përcjell albinfo.ch. Sipas tyre, në të ardhmen duhet të ekzistojë një detyrim që para autoriteteve të shtetit ose në rast të kontrollimit të biletave në transportin publik, të tregohet fytyra pa pengesa.
Ndërkaq, Dhoma Nacionale e Parlamentit ende nuk e ka procesuar këtë iniciativë për ndryshim të ligjit.
Aktualisht vetëm në dy kantone të Zvicrës është në fuqi ligji mbi ndalesën e mbulesës së plotë të fytyrës: Në Tiçino dhe në St. Gallen.
Të ngjashme
Opinione tjera
E-Diaspora
-
Washington Post shkruan për zërin e sopranos shqiptare, Ana Naqe Sopranoja shqiptare, Ana Naqe është nje soprano shqiptare qe jetoj prej 20 vitesh ne Evropë. Ajo...
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Bashkëpunim mes studentëve të Universitetit të Lucernit dhe atyre nga Maqedonia
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët