Kosova
Dhoma e Kantoneve voton misionin e Swisscoy-t në Kosovë, edhe për tre vjet
Zvicra po kontribuon në sigurinë e Evropës, tha ministrja e Mbrojtjes, Viola Amherd. Një përshkallëzim në rajon do të rriste migracionin në Zvicër
![](https://www.albinfo.ch/wp-content/uploads/2019/11/swisscoy-397584183_highres-587x392.jpg)
Ushtria zvicerane duhet të vazhdojë misionin në Kosovë edhe për tre vjet. Të mërkurën, Dhoma e Kantoneve e Parlamentit të Zvicrës votoi në favor të zgjatjes së misionit Swisscoy deri në fund të vitit 2026.
Vendimi u mor sot, me 33 vota pro 2 kundër dhe 2 abstenime, transmeton albinfo.ch. Misioni në Kosovë është ende i nevojshëm për shkak të situatës së brishtë atje, ka thënë Andrea Gmür-Schönenberger (partia Die Mitte) në emër të komisionit këshillues. Tërheqja eventualed nuk do të pritej me mirëkuptim ndërkombëtar.
Zvicra me angazhimin e saj po kontribuon në sigurinë e Evropës, tha ministrja e Mbrojtjes, Viola Amherd, shkruan sda.ch. Një përshkallëzim në rajon do të rriste po ashtu shumë presionin e migracionit në Zvicër.
Duke qenë se situata është shumë e brishtë, mund të ketë nevojë për më shumë personel ushtrie, tha Amherd. Prandaj, Dhoma e Kantoneve ka vendosur të kërkoj rritjen e numrit maksimal të mundshëm për edhe 30 pjesëtarë të ushtrisë, përcjell albinfo.ch. Swisscoy aktualisht ka një maksimum prej 195 ushtarësh në Kosovë.
Çështja tani shkon në Dhomën Nacionale të parlamentit.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n