Kosova
Digjen disa automjete me targa RKS në veri, reagojnë ambasadorët
Shefi i zyrës së BE-së, Tomas Szunyog, ka deklaruar se dëmtimi i pronës private që ka ndodhur gjatë dy ditëve të fundit, ka synim frikësimin e popullatës lokale

Policia e Kosovës ka njoftuar se mbrëmë pas mesnatës, në veri të vendit është raportuar se pas dy veturave të djegura të mërkurën, nga persona të panjohur janë djegur edhe tri vetura të tjera të cilat ishin të regjistruara me targa RKS, skruan rtklive.com.
Dy vetura janë djegur në Mitrovicë të Veriut dhe një në Zveçan.
“Me 31 mars 2023 pas mesnatës, në veri të vendit është raportuar se nga persona të panjohur janë djegur edhe tri vetura që iu përkasin viktimave të nacionalitetit serb, të cilat kanë qenë të parkuara njëra në rrugën “Kral Milutin”- Zveçan, tjetra në rrugën “Ivo Lola Ribar”- Mitrovicë Veri, si dhe e treta në rrugën “Vlade Çetkoviq”- Mitrovicë Veri”, thuhet në njoftimin e PK-së.
Vënien e zjarrit disa automjeteve në veri të vendit që kishin targa RKS, e kanë dënuar disa nga ambasadorët e akredituar në Kosovë.
Shefi i zyrës së BE-së, Tomas Szunyog, ka deklaruar se dëmtimi i pronës private që ka ndodhur gjatë dy ditëve të fundit, ka synim frikësimin e popullatës lokale.
“Kjo është e papranueshme dhe duhet të dënohet nga të gjithë akterët relevant”, tha Szunyog.
Duke mbështetur deklarimin e zyrtarit evropian, ambasadori i Gjermanisë në Kosovë, Jorn Rohde, ka thënë se dhuna nuk është asnjëherë opsion.
“Unë kam besim të plotë që autoritetet kosovare do të hetojnë rastet plotësisht dhe do të sjellin përgjegjësit para drejtësisë”, ka thënë Rohde.Edhe ambasadori britanik, Nicholas Abbott, u është bashkuar ambasadorëve tjerë që dënuan djegien e veturave me targa RKS në veri të vendit.
“Djegia e veturave pas riregjistrimit në targa RKS në veri të Kosovës është e papranueshme”, tha ai.
“Të gjithë aktorët seriozë politikë duhet t’i dënojnë këto akte dhune dhe rreziqet që ato paraqesin për stabilitetin dhe qetësinë. Hetimet e shpejta për këtë kriminalitet janë të nevojshme dhe duhet të kryhen me ndjeshmëri dhe seriozitet”.
Edhe ambasadori i ShBA-së në Kosovë, Jeffrey Hovenier, ka reaguar pas djegies së tri veturave në veri të vendit këtë të premte.
Hovenier tha se ShBA-ja dënon djegien dhe çdo përpjekje për të frikësuar ata që kanë, ose synojnë të marrin targat RKS, sipas ligjit të Kosovës.
“Fatkeqësisht, më duhet ta përsëris këtë mesazh. Këto janë vepra frikacake dhe kriminale”,
E-Diaspora
-
Elina Duni do të shfaqë tri koncerte në Austri Këngëtarja shqiptare Elina Duni pas më shumë se një viti, vjen sërish në Austri...
-
10 vjet dëbim nga vendi për kosovarin e lindur në Zvicër
-
Zvicra U21 me katër shqiptarë në Kampionatin Evropian
-
Me 500,000 CHF borxh “socialit”, kosovarit i lejohet qëndrimi në Zvicër
-
Vjenë: Ekspozitë me titull “Mirë se vini në tavolinë” nga artisti Artan Korenica
Jeta në Zvicër
-
Policia zvicerane me mega-aksion, arrwsto. disa peraona për 2200 raste të abuzimeve me të mitur Policia zvicerane ka kryer një mega-operacion, në kuadër të të cilit kanë rënë në pranga disa...
-
Studimi zviceran tregon se meditimi ndihmon në marrjen e vendimeve
-
Deputetët zviceranë votojnë kundër rritjes së pagave të tyre
-
Zvicra ndihmon financiarisht Italinë të strehojë azilkërkuesit
-
Xhaka, Shaqiri e Zeqiri ftohen nga Zvicra për kualifikimet e Euro 2024