Lajme

Digjet apartamenti në Francë, humb jetën nëna me 7 fëmijë

Raportohet se një zjarr tragjik në një apartament në Francë ka shkaktuar vdekjen e 7 fëmijëve dhe nënës së tyre. Shtatë fëmijët të moshës nga 2 deri në 14 vjeç vdiqën së bashku me nënën e tyre të dielën në mbrëmje pasi shtëpia e tyre, në Charly-sur-Marne në veri të vendit, mori flake, përcjell albinfo.ch.

Policia franceze dhe zjarrfikësit raportojnë për viktimat. Babai i tyre është djegur rëndë dhe është dërguar në spital. Fëmijët, pesë vajza dhe dy djem dhe prindërit e tyre po flinin në katin e dytë të shtëpisë kur shpërtheu zjarri.

Nga fqinjët është thirrur zjarrfikësja. Katër nga fëmijët lindën nga martesa e parë e nënës. Zjarri u shua më vonë në orët e para të mëngjesit.