Disa kantone shkojnë një hap më tej: Nuk lejojnë mbi 100 veta në klube

Disa kantone kanë forcuar rregullat e koronës. Nëse as maskat nuk vihen dhe as distanca nuk mbahet, vetëm 100 në vend të 300 personave lejohen brenda një hapësire.

Kantonet Bazel-Stadt, Basel-Landschaft, Aargau dhe Solothurn kanë forcuar rregullat ndaj virusit korona.

“Për të mbajtur nën kontroll përhapjen lokale të virusit, janë vendosur masa mbrojtëse të mëtejshme”, thuhet në një mesazh nga kantoni Basel-Stadt, përcjell albinfo.ch.

Masat e reja janë marrë për restorante dhe kompani të ngjarjeve publike dhe private. Gjithashtu për bare dhe klube. Në vend të 300, tani vetëm 100 persona do të lejohen të qëndrojnë në secilin sektor.

Sidoqoftë, kufizimi i ri vlen vetëm nëse nuk mund të respektohen rregullat e distancës dhe nuk sigurohen masa mbrojtëse, siç janë maskat. Shtrëngimi do të hyjë në fuqi të enjten dhe do të zbatohet deri në fund të vitit. Siç thuhet në komunikatë, vendimet mbi kufizimet e reja u diskutuan me përfaqësuesit e institucioneve hotelierike dhe ato të klubeve.

---