Ditë zie nesër në Gjilan

Gjilani nesër do të jetë në ditë zie.

Këtë e ka bërë të ditur kryetari i kësaj komuna, Lutfi Haziri përmes një njoftimi në facebook.

Haziri ka njoftuar se nesër në këtë komunë do të shpallet ditë zie, në nder të tre pacientëve që vdiqën sot nga COVID-19.

Ai iu ka shprehur ngushëllime familjeve që humbën të afërmit e tyre, ndërkohë që ka thënë se Gjilani nuk është i njëjtë pa ta.

“Ditë morti për Gjilanin. Me shqetësim e morëm lajmin për humbjen e betejës me COVID-19 të pacientit A.Z. (1974), duke u bërë viktima e tretë sot dhe e teta në total. Ngushëllimet më të sinqerta familjeve. Për nder të tyre, të dielën, 19 korrik 2020, kam shpall ditë zie. Gjilani nuk është i njëjtë pa ju!”, ka shkruar Haziri, njofton albinfo.ch.