Djali i dëshmorit: “Më fal, baba, nuk doja të ndodhte kështu”

Djali i dëshmorit Fadil Bunjaku, Ilir Bunjaku, nga komuna e Kamenicës, ka vendosur të lërë Kosovën dhe të niset drejt vendeve perëndimore.

Ai, me anë të një postimi në “Facebook” ka shkruar një tekst emocionues në lidhje me Kosovën dhe ikjen nga vendi për të cilin ka luftuar edhe babai i tij.

“Më fal, Babë, unë nuk doja të ndodhte kështu, por nuk më mbeti zgjidhje tjetër sepse vendi për të cilin luftove sot nuk ka një vend pune për mua, në vendin tim po e lë birin tim, do të sjellë lule siq të sillja unë”, ka shkruar Ilir Bunjaku.