Djathëbërësi i Friburgut fiton “4th Fondue World Championships”

Damien Raemy nga Friburgu është kampioni i ri i botës në fondu. Ai mundi 200 konkurrentë në Kampionatin e katërt Botëror të Fondue, të mbajtur në Tartegnin, kantonin Vaud, shkruan swissinfo.

Raemy fitoi titullin me përzierjen e tij të djathit Gruyère dhe Vacherin. Ai është pjesë e një familjeje djathëbërësish nga Corbières, kantoni Fribourg, ku bën djathë Gruyère dhe Vacherin së bashku me 23 prodhues qumështi.

“Është një punë e përditshme, por ne punojmë si ekip”, shpjegon ai, përcjell albinfo.ch.

Kampionati i katërt Botëror i Fondue mblodhi së bashku mbi 10,000 vizitorë dhe më shumë se 200 konkurrentë, si amatorë, ashtu edhe profesionistë. Fondues duhej të përbëheshin nga të paktën 50% djathë AOP Gruyère për të konkurruar.

Një juri e përbërë nga profesionistë dhe amatorë të ushqimit shijoi dhjetëra fondues, të cilat u vlerësuan sipas pesë kritereve: shije, pamje vizuale, qëndrueshmëri, homogjenitet dhe përshtypje e përgjithshme.

Pas një parapërzgjedhjeje prej 23 finalistësh, juria shpalli Damien Raemy fitues në një finale të madhe të zhvilluar para qindra spektatorëve dhe për herë të parë, raunde kualifikuese u organizuan në pjesë të tjera të botës: Belgjikë, Francë, Brazil dhe Kanada.

---