Lajme
Donart Bexheti, supertalenti shqiptar në Danimarkë
Pa dyshim se Donart Bexheti është talenti i radhës që pritet të shpërthejë në Danimarkë me skuadrën e FC Helsingor, që bën gara në Ligën e dytë, shkruan Open-TV, përcjell albinfo.ch.
Ai është i lindur më 5 mars të vitit 2006 në fshatin Shemshovë të Tetovës. Karrierën si futbollist e kishte nisur në moshën 6-vjeçare te Shkëndija e Tetovës. Ai luan në pozitën e sulmuesit.
Donarti në fund të vitit 2019 së bashku me nënën dhe motrën e tij iu bashkuan babait të tij në Kopenhagë të Danimarkës, i cili jetonte dhe vepronte prej vitesh. Nuk kaloi shumë kohë dhe ai u bë pjesë e skuadrës së të rinjve FA U17 nga kryeqyteti danez.
Në një ndeshje të kupës daneze (viti 2022) mes FA U17 dhe FC Helsingor, Bexheti shënoi tre gola duke e kualifikuar ekipin e tij tutje. Golat dhe paraqitja e tij fantastike kishte bërë që drejtues të skuadrës së FC Helsingor t’i bëjnë ftesë, të cilën e kishte pranuar.
Në një bisedë për Open-TV, Donarti tregon se në janar të 2023-ës ka nënshkruar kontratë me FC Helsingor, e cila do të vlejë deri më 31 dhjetor 2025.
“Jam shumë i kënaqur këtu në klub. Edhe pse jam në moshën 17-vjeçare kam debutuar për FC Helsingor në një ndeshje të kupës. Debutimi ishte i suksesshëm pasi edhe shënuam fitore, duke u kualifikuar në turin tjetër. Pata luajtur 10 minuta. Edhe në kampionat ka raste kur ftohem në ekipin e parë dhe kjo më bën të ndjehem shumë mirë”, thotë Bexheti.
Donarti ëndërron majat e larta në futbollin evropian.
Nga klubet e huaja admiron Barcelonën, kurse nga yjet botëror pëlqen Cristiano Ronaldon.
“Më pëlqen si lojtar, prandaj dëshiroj t’i ngjaj atij. Është futbollist i madh”, përfundoi Donart Bexheti, talenti i ri shqiptar në futbollin danez.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit