Lajme
Dy javë pushim me pagesë për ata që kujdesen për familjarët e sëmurë
Kostoja e shpenzimeve që mundësojnë pushimet e paguara për familjarët e të sëmurëve që kanë nevojë për përkujdesje arrin në 74 milionë franga në vit
Personat të cilët përkujdesen për të afërmit e tyre të sëmurë ose me aftësi të kufizuara, do të kenë të drejtë për pushim të paguar vjetor prej dhjetë ditësh. Këtë propozim e ka mbështetur komisioni përgatitor për shëndetësi i Dhomës Nacionale të Parlamentit të Zvicrës, shkruan srf.ch.
Komisioni në fjalë ka miratuar me 12 vota pro dhe 8 kundër, Ligjin që synon përmirësimin e përshtatjes në mes të punës dhe përkujdesjes për familjarët.
Prindërit që kanë fëmijë të sëmurë rëndë, veç kësaj, duhet të marrin deri në 14 javë pushim me qëllim përkujdesjen për fëmijët në fjalë, transmeton albinfo.ch.
Duke votuar në favor të këtij pushimi, Komisioni përgatitor për shëndetësinë ka mbështetur qëndrimin e Këshillit Federal (qeverisë së vendit).
Është me rëndësi që puna e madhe që personat në fjalë kryejnë duke u përkujdesur për të afërmit e tyre, të ketë njohje më të mirë dhe të mbështetet edhe financiarisht, është thënë në këtë komision.
Këshilli Federal ka vlerësuar se kostoja e shpenzimeve që mundësojnë pushimet e paguara për familjarët e të sëmurëve që kanë nevojë për përkujdesje arrin në 74 milionë franga në vit.
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe