Integrimi
Dy shqiptarë, me SVP-në synojnë asamblenë e qytetit
Dy kandidatët shqiptarë të SVP-së, Agim Tusi dhe Mentor Desku deri më tash nuk kanë qenë të njohur për publikun. Ndërsa për EVP-në kandidon Blerim Bunjaku
Dita e votimeve sot në Winterthur, Kantoni i Cyrihut është e rëndësishme edhe për faktin se votuesit në këtë qytet do të bëjnë zgjedhjen e Asamblesë Komunale. 462 kandidatë synojnë njërin nga 60 vendet sa ka Parlamenti i Qytetit. Sondazhet e bëra së fundi dëshmojnë për një rrëshqitje në të djathtë të elektoratit në këtë qytet, gjegjësisht për një zvogëlim prej 2 për qind në kampin e socialdemokratëve dhe te gjelbërve. Më së shumti nga kjo pritet të përfitojë Partia e Gjelbër Liberale (GLP).
Ajo që është interesante për shqiptarët në këtë qytet është kandidimi në këto zgjedhje i tre shqiptarëve. Për më tepër është me interes kandidimi i tyre në dy parti që deri më tash nuk janë dalluar shumë për angazhimin e të huajve dhe edhe më pak shqiptarëve. Madje dy nga kandidatët shqiptarë i shohim në listën e SVP-së, e cila është e njohur më shumë për politikat restriktive në raport me të huajt. Në mesin e kandidatëve të SVP/UDC-së për Asamblenë e Winterthurit janë edhe shqiptarët Mentor Desku dhe Agim Tusi. Ndërsa për Partinë Evangjeliste (EVP) ka kandiduar Blerim Bunjaku, i cili, falë një interviste me albnfo.ch dhe pasatj me disa gazeta të Zvicrës është bërë tashmë i njohur për publikun zviceran.
Dy kandidatët shqiptarë të SVP-së deri më tash nuk kanë qenë të njohur për publikun. Mentor Desku është menaxher i një restoranti në qendër të qytetit në Winterthur ndërsa Agim Tusi punon në shërbimin për kërkimin e automjeteve.
Ndryshe nga Bunjaku, i cili ka qenë mjaft aktiv dhe fotografitë e të cilit kane qenë të vendosura në disa pika të frekuentueshme të qytetit, dy kandidatët shqiptarë të SVP/UDC-së nuk kanë bërë ndonjë aktivitet parazgjedhor që është shënuar nga mediet e këtushme.
Në orët e pasdites albinfo.ch do të kumtojë rezultatet që do të publikohen nga partitë dhe nga organizuesi i zgjedhjeve.
Të tjera nga Integrimi
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?