Maqedonia
Dy turq udhëtojnë në Ballkan të gjejnë vetën
Dy të rinj nga Turqia, të cilët këndojnë muzikë etnike në Çarshinë e Vjetër të Shkupit, thonë se janë në ndjekje të njohurive në një rrugë në të cilën janë nisur për t’i arritur idealet e tyre.
Burak Yıldız, 26-vjeçar dhe Mehmet Gür 21, kanë vendosur një “tezgë” në gurët e çarshisë historike të Shkupit, ku në njërën anë performojnë muzikë, e në anën tjetër siç thanë përpiqen “të gjejnë veten” në këtë rrugë.
Dy shokët, të cilët rrugëtimet e tyre i kanë bërë zakonisht me autostop, pasi kanë shëtitur gjerësisht Turqinë, kanë vendosur të bëjnë një “mini-turne ballkanik” me ftesë të miqve të tyre në Maqedoni.
Ata fillimisht kanë vizituar Shqipërinë dhe më pas kanë ardhur në Maqedoni. Dy të rinjtë, nevojat e tyre ditore i mbulojnë duke performuar pjesë muzikore dhe duke shitur gjësende të bëra në mënyrë artizanale. Yıldız thotë se nuk kanë asnjë “telash” në rrugëtimin e tyre dhe se përpiqen që ta kontrollojë kohën.
Nëntë vjet më parë, Yıldız ëshë regjistruar në universitet për të studiuar gazetarinë, por më pas ka vendosur të mos jetë gazetar, por, siç thotë ai, të gjejë veten dhe të ndjekë muzikën dhe tingujt. Ai nuk ka marrë asnjë shkollë të muzikës, ndërsa thotë se kjo është hera e dytë që udhëton jashtë vendit.
“Herën e parë shkova në Arabinë Saudite, ndërsa tani gjendemi në Ballkan. Fillimisht shkuam në Shqipëri, kurse tani erdha në Maqedoni. Është shumë bukur. Pyes veten se pse nuk kam ardhur më herët në Ballkan, se pse ‘kjo hartë ishte e errët’. Do të vij edhe një herë këtu, sepse është vend shumë i bukur”, thotë Yıldız. Yıldız nga Turqia ka udhëtuar drejtpërdrejt me avion në Tiranë, pasi, siç tha, është dashur të pajiset me vizë nga Greqia dhe Bullgaria për të udhëtuar përmes rrugëve tokësore.
I riu nga Turqia e cilëson si shpresëdhënës për unitetin praninë e dyqaneve me pronarë shqiptarë, turq dhe maqedonas në Çarshinë e Vjetër të Shkupit.
Duke folur për llojin e muzikës që luan, Yıldız thotë se më së shumti merren me muzikë etnike dhe se në çdo vend që vizitojnë përpiqen të mësojnë pjesë të ndryshme muzikore në gjuhë të ndryshme.
Nga ana tjetër, Mehmet Gür, thotë se shokët e tij me të cilët ka bërë udhëtime i ka njohur gjatë studimeve në degën e Historisë së Arteve në Izmir, me ç’rast ka vendosur të nisë aventurën e udhëtimeve.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor