Maqedonia
“Dyert janë të hapura, ju e keni çelësin”
Përfaqësuesja e lartë e Bashkimit Evropian për Politikën e Jashtme, Federica Mogherini, qëndroi në Shkup, për të mbështetur referendumin e 30 shtatorit. Ajo tha se qytetarët e Maqedonisë kanë një rast historik që nuk duhet humbur.
Zonja Mogherini përcolli mesazhin e Bashkimit Evropian që thotë: “Dyert e BE-së janë të hapura për ju, sepse e dimë se së bashku mund të arrijmë shumë”.
“Dyert tona janë të hapura. Ju e mbani çelësin. Ana jonë është e përcaktuar dhe le të bëjmë që ky zotim të funksionojë”, tha zonja Mogherini, duke shtuar se “ju keni një rast historik në duart tuaja”, raporton “Zëri i Amerikës”.
“Këto, nuk janë zgjedhje dhe nuk bëhet fjalë për politikë. Duhet të siguroheni se kur të zgjoheni më 1 tetor do të bëheni krenarë për zgjedhjen që keni bërë për shtetin tuaj, për veten tuaj dhe për fëmijët tuaj. Nuk do të ketë pendim”, tha shefja e BE-së Mogherini, duke theksuar se votuesit e mbajnë në duart e tyre çelësin e të ardhmes së vendit të tyre, përcjell albinfo.ch.
“Çelësi është në duart tuaja dhe askush tjetër nuk mund ta bëjë atë për ju. Dhe nuk do të mund të rrini të heshtur dhe ta humbisni shansin për të shprehur vullnetin tuaj se çfarë ardhmërie dëshironi për vendin tuaj”, u shpreh Mogherini gjatë një vizite që i bëri çarshisë së Shkupit së bashku me kryeministrin Zoran Zaev.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe