Bota

Dyfishohet numri i tigrave Bengalë në Nepal

Numri i tigrave Bengalë në Nepal është dyfishuar gjatë 9 vjetëve të fundit. Ekipi i ekspertëve, i cili zbaton programin e mbrojtjes dhe mbikëqyrjes së numrit të tigrave Bengalë në Nepal, ka njoftuar se aktualisht në vend jetojnë 235 tigra Bengalë, që është dyfish më shumë në krahasim me numrin e tyre në vitin 2009, kur filloi programi. Programi realizohet me ndihmën e instalimit të 4.000 kamerave të vëzhgimit në vendet ku jetojnë tigrat.

Ekspertët dhe mbarë opinioni kanë mirëpritur informacionin për rritjen e numrit të tigrave, të cilët për disa vjet ishin kategori e specieve të rrezikuara. Numri më i madh i tigrave Bengalë jeton në Indi, ndërsa numri i përgjithshëm i këtij lloji të tigrave në botë nuk tejkalon 2,000-shin.