Lajme
Edhe 9 shtete të BE-së po nxjerrin certifikatat e reja të vaksinimit
Këto janë shtetet në prag të lëshimit të certifikatave Covid
Përveç Gjermanisë që sot filloi lëshimin e certifikatave, edhe tetë vende të tjera anëtare gjithashtu po nxjerrin certifikatën e vaksinimit të BE-së, sipas një zëdhënësi të Komisionit. Këto shtete janë Bullgaria, Danimarka, Greqia, Kroacia, Lituania, Polonia, Spanja dhe Republika Çeke, transmeton albinfo.ch.
Çdo person i vaksinuar kundër koronës së shpejti në shumë vende të Evropës do t’i mundsohet ta regjistrojë këtë në një certifikatë digjitale vaksinimi: nga e hëna e ardhshme, farmacitë, ndër të tjera, do të nxjerrin certifikatën e vaksinimit.
Theksohet se certifikatat digjitale e vaksinimit: dëshmia skanohet me aplikacionin CovPass
Negociatorët e vendeve anëtare të BE-së dhe Parlamenti Evropian më në fund ranë dakord rreth dy javë më parë për këtë certifikatë vaksinimi me kod QR. Shumica e eurodeputetëve kanë votuar tashmë në favor të dëshmisë dhe vendet anëtare duan të miratojnë përfundimisht marrëveshjen deri në fund të javës. Në të gjithë Evropën certifikata digjitale e vaksinimit do të hyjë në përdorim më 1 korrik.
Platforma elektronike për verifikimin në mbarë Evropën të certifikatave të vaksinimit do të nisë më 1 korrik dhe do të përmbajë përveç informacionit për vaksinimet, edhe informacione në lidhje me testimet ose infektimet e kaluara.
Më shumë se një milion qytetarë në Bashkimin Evropian kanë ndërkohë një certifikatë digjitale të vaksinimit, tha të martën Komisioneri i Drejtësisë i BE-së, Didier Reynders. Certifikata digjitale e vaksinimit do të “bëjë më të lehtë për qytetarët e BE-së që të ushtrojnë të drejtën e tyre themelore të lirisë së lëvizjes” dhe është një “mjet praktik” për të mundësuar udhëtime të sigurta në verë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit