Autotech
Edhe Amazon kap vlerën e një trilion dollarëve
Arritja e kësaj vlere shënon edhe kapitullin e fundit në historinë e mahnitshme të rritjes së kësaj kompanie, të themeluar nga biznesmeni Jeff Bezos në Seattle të Uashingtonit në vitin 1994
Amazon është bërë kompania e dytë më e vlefshme sipas “Wall Street”, duke kaluar vlerën e një trilion dollarëve, vetëm pak javë pasi këtë rekord e arriti për herë të parë në histori kompania Apple.
Të martën, një rritje e beftë e çmimit të aksioneve të Amazon, e cila është e listuar në bursën “Nasdaq” të Shteteve të Bashkuara, e bëri atë të kalonte mbi limitin e pakapshëm deri pak javë më parë të një trilion dollarëve.
Arritja e kësaj vlere shënon edhe kapitullin e fundit në historinë e mahnitshme të rritjes së kësaj kompanie, të themeluar nga biznesmeni Jeff Bezos në Seattle të Uashingtonit në vitin 1994, shkruan “TCH”.
Në më pak se 25 vite, kompania ka siguruar një prani të ndjeshme në thuajse gjithçka: nga shitjet me pakicë te artikujt ushqimorë, e deri te transmetimet video, duke bërë që ajo të sigurojë të ardhura deri në 178 miliardë dollarë vitin e kaluar, përcjell albinfo.ch.
Bezos u bë njeriu i dytë më i pasur në botë përgjatë kësaj historie suksesi, me një pasuri të përllogaritur në mbi 167 miliardë dollarë këtë të martë, sipas revistës prestigjioze “Forbes”.
Amazon u kuotua për herë të parë në bursë me një vlerë prej 18 dollarë për aksion në vitin 1997, ndërkohë që këtë të martë, aksionet kanë kapur vlerën e 2.050 dollarëve secili, gjë që e rrit vlerën e kompanisë në mbi një trilion dollarë.
Por, rritja e shpejtë e kompanisë ka ardhur mes kritikave të ashpra mbi qasjen e kompanisë ndaj taksave dhe të drejtave të punonjësve. Amazon ka qenë në një konkurrencë të ashpër me Apple për arritjen e këtij rekordi historik prej muajsh, por humbi garën kur tregjet financiare u përgjigjën në mënyrë më favorizuese ndaj rezultateve financiare të Apple të muajit të kaluar.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane