Kultura

Edona Reshitaj, koncert në “Schlachthaus Theater” të Bernës

Koncerti jepet më 30 mars, e shtunë, me fillim nga ora 21, menjëherë pas përfundimit të shfaqjes “55 Shades of Gay”, të Jeton Nezirajt, në të njëjtën skenë të teatrit “Schlachthaus Theater”

Më 30 mars, në “Schlachthaus Theater” të Bernës do të jepet edhe koncerti i këngëtares dhe aktores nga Kosova, Edona Reshitaj.

Artistja e njohur për publikun kosovar, Edona Reshitaj, në muzikën e saj kombinon trashëgiminë e këngës tradicionale shqiptare me xhazin. Duke i riaranzhuar këngët e vjetra dhe duke i lidhur ato me muzikën bashkëkohore, ajo u mundëson gjeneratave të reja qasjen në muzikën tradicionale.

Koncerti jepet më 30 mars, e shtunë, me fillim nga ora 21, menjëherë pas përfundimit të shfaqjes “55 Shades of Gay”, të Jeton Nezirajt, në të njëjtën skenë të teatrit “Schlachthaus Theater”.

Biletat për koncertin që zgjat një orë, kushtojnë 15 franga. Me rëndësi: për koncert duhen siguruar bileta të veçanta, nuk vlejnë ato të shfaqjes! Për informacione më të hollësishme: https://www.schlachthaus.ch/

(Foto: Arton Humolli)

 Info rreth ngjarjes

  • Data e fillimit30 Mars 2019
  • Ora21:00
  • LokacioniBernë
  • Data e përfundimit24 Shkurt 2019 - 11:00