Ekonomi
Ekonomia e Eurozonës do të rritet më shpejt se sa pritej
Ekonomia e Eurozonës do të rritet më shpejt se sa pritej gjatë këtij viti, pasi po rikuperohet nga recesioni i shkaktuar nga pandemia dhe do të vazhdojë të zgjerohet fort në vitin 2022, me një rënie të deficitit dhe borxhit publik, parashikon Komisioni Evropian.
Komisioni tha se Prodhimi i Brendshëm Bruto në 19 vendet që ndajnë euron do të rritet 5 për qind këtë vit, pas një recesioni prej 6.4 për qind më 2020. Ai parashikoi rritje prej 4.3 për qind në 2022-ën dhe 2.4 për qind në 2023-ën. Parashikimi i tij në maj për vitin 2021 ishte vetëm 4.3 për qind.
“Masat tona për të zbutur goditjen e pandemisë dhe për të rritur vaksinimet në gjithë BE-në kanë kontribuar qartë në këtë sukses”, tha nënpresidenti i KE-së, Valdis Dombrovskis.
Komisioni tha se inflacioni do të arrijë në 2.4 për qind më 2021 nga 0.3 për qind në 2020-ën, përpara se të ngadalësohet në 2.2 për qind në 2022-ën dhe 1.4 më 2023. Kulmi i rritjes së çmimeve do të vijë në katër muajt e fundit të këtij viti dhe më pas do të ngadalësohet gradualisht përgjatë vitit 2022.
Borxhi publik, i cili do të arrijë në 100 për qind të PBB-së totale për Eurozonën këtë vit, do të bjerë në 97.9 për qind më 2022 dhe 97 për qind më 2023, një reduktim më i shpejtë se parashikimi në maj.
E-Diaspora
-
Bizneset ekspozojnë produktet e tyre në “Panairi Lugina” në Zvicër Për herë të dytë ka hapur dyert Panairi i Bizneseve Shqiptare nga Lugina, “Panairi Lugina”, në...
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Zvicër
-
Kështu e imagjinojnë qytetin e tyre vajzat e Bazelit Në projektin “Girls City”, grave të reja në Bazel u jepet një zë dhe mund të...
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë
-
Protesta, arrestime, diskualifikime: Kjo ishte finalja e Eurovisionit
-
Tetë të lënduar nga zjarri në Muzeun në Merenschwand