Kosova
Erdhi nga Gjermania në Kosovë për të investuar 10 milionë euro në hapjen e fabrikës së re
Investimet parashihen të jenë afër 10 milionë euro. 95% e prodhimit do të jetë për eksport në Gjermani.
Diaspora po investon në Kosovë. Shumë vjet më parë Ramadan Hashani, së bashku me vëllain binjak, Bajramin, kishte shkuar në Sindelfingen të Gjermanisë (afër Stuttgartit), përcjell albinfo.ch.
Në pjesën më të madhe të jetës së tij atje, punoi në fabrikën e Mercedesit.
Dëshirën më të madhe atëbotë e kishte që të kursente aq sa të mund të blinte një veturë të asaj marke. Atë veturë do ta voziste Arsimi, i biri, i cili po kthehet në vendlindjen e tij, në Vërbicë të Kmetovcit të Gjilanit, 22 vjet pas, tash si investitor për të hapur një fabrikë për prodhimin e dyerve, dritareve, roletave dhe përpunimin e materialit të xhamit në fshatin e tij të lindjes e fëmijërisë.
Fabrika, të cilës ia vendosëm gurthemelin sot, do të punësojë fillimisht 50 punëtorë, e më pastaj do të mund të shkojë deri në 150 punëtorë. Investimet parashihen të jenë afër 10 milionë euro. 95% e prodhimit do të jetë për eksport në Gjermani.
Sa më shumë rritet prodhimi në vend, aq më i lartë është punësimi e eksporti, e aq më e mirë mirëqenia e qytetarëve, shprehet kryeministri i Kosovës për këtë rast.
“Investimet e tilla si të Arsimit, i cili po kthehet në vendlindje bashkë me familjen e tij, na e rrisin besimin dhe na e shtojnë zellin dhe energjinë, për sa më shumë punë të mbara e të mira”, tha ai.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse