Erdogan planifikon të cenzurojë mediat sociale

Presidenti turk Rexhep Tajip Erdogan i përshkroi mediat sociale  një nga kërcënimet kryesore për demokracinë.

Qeveria e Erdoganit planifikon të miratojë legjislacionin për të kriminalizuar përhapjen e lajmeve të rreme dhe dezinformatave në internet, por kritikët thonë se ndryshimet e propozuara do të forcojnë kufizimet në lirinë e fjalës.

“Mediat sociale, të cilat u përshkruan si simbol i lirisë kur u shfaqën për herë të parë, janë kthyer në një nga burimet kryesore të kërcënimit për demokracinë e sotme”, tha Erdogan në një video-mesazh.

Turqia miratoi një ligj vitin e kaluar ku kërkon që platformat e mediave sociale që kanë më shumë se 1 milion përdorues të kenë një përfaqësues ligjor dhe të ruajnë të dhëna në vend. Kompanitë e mëdha të mediave sociale, duke përfshirë Facebook, YouTube dhe Twitter, kanë krijuar zyra të tilla në Turqi. Legjislacioni i ri do ta bënte përhapjen e veprave penale të “dezinformimit” dhe “lajmeve të rreme” të dënueshme deri në pesë vjet burg.

Ai gjithashtu do të krijojë një rregullator të mediave sociale.

Shumica e kompanive të mëdha mediatike të Turqisë janë nën kontrollin e qeverisë, duke i lënë mediat sociale një burim të rëndësishëm për zërat kundërshtues.

Raporti Freedom on the Net i Freedom House, i publikuar në shtator, e karakterizoi Turqinë si “jo të lirë”, duke vënë në dukje heqjen e përmbajtjes kritike ndaj qeverisë dhe ndjekjen penale të njerëzve që postojnë komente “të padëshirueshme” në mediat sociale.

LAJME INTERESANTE NGA INTERNETI