Kosova

Escobari viziton Manastirin e Deçanit

E enjte, 14 Mars 2024 - 13:40 albinfo.ch

Emisari amerikan, Gabriel Escobar, po qëndron sot për vizitë në Manastirin e Deçanit. Escobar në këtë vizitë po shoqërohet edhe nga ambsadori amerikan në Prishtinë, Jeff Hovenier.

Vizita e tij në këtë Manastir vie vetëm një ditë pasi kryeministri Albin Kurti bëri të ditur se i ka kërkuar Agjencisë Kadastrale të Kosovës që të zbatojë vendimin e Gjykatës Kushtetuese mbi pronat e këtij Manastiri.

Pas pak orësh, Escobari do të ketë takim edhe me kryeministrin Albin Kurti.

Vendimin për t’ia dhënë 24 hektarë Manastirit të Deçanit, Kurti e ka quajtur “të dëmshëm”, por “të domosdoshëm” për anëtarësimin e Kosovës në Këshillin e Evropës.