Bota

Falimenton kompania ajrore “Germania”, anulon të gjitha fluturimet

Nga ky falimentim, nuk janë prekur “Swiss Germania Flug AG” dhe “Bulgarian Eagle”.

Edhe pse kishte mohuar krizën ditë më parë, tashmë kompania ajrore me bazë në Berlin, “Germania” ka paraqitur kërkesë për falimentim.

Kompania gjithashtu ka njoftuar se ka anuluar të gjitha fluturimet, përcjell albinfo.ch.

Edhe pse me mbi katër pasagjerë në vit, ka shpallur falimentimin, derisa ka pasur fluturime të zakonshme kryesisht nga Mesdheu, Afrika Veriore dhe Lindja e Mesme drejt Gjermanisë. Kompania kishte 37 aeroplanë, derisa kishte njoftuar edhe për linja nga Prishtina në qytetet gjermane.

“Fatkeqësisht, nuk kemi arritur me sukses të kompletojmë përpjekjet tona financiare për të arritur likuiditetin e nevojshëm në afat të shkurtër kohor”, ka thënë drejtori i “Germanias”, Karsten Balke në njoftim. “Me shumë keqardhje, si pasojë, nuk kemi pasur zgjedhje tjetër pos që të kërkojmë falimentimin”.

“Germania” ka bërë të ditur se ka paraqitur kërkesën për falimentim në Berlin të hënën në mbrëmje dhe të gjitha fluturimet janë anuluar menjëherë.

Nga ky falimentim, nuk janë prekur “Swiss Germania Flag” dhe “Bulgarian Eagle”.