Kosova
Familja thotë se mërgimtari nga Zvicra është vrarë
I ndjeri kishte biznesin të tij me vetura dhe jetonte në Zvicër dhe vizitonte shpesh Kosovën
Avdyl K., kishte vite që po jeton në Zvicër bashkë me familjen. Por ai kohëve të fundit shumë shpesh e vizitonte Kosovën, kjo gjë jo vetëm për pushime, por edhe për punë biznesore. Ai që një kohë merrej me shitjen e veturave të cilat i importonte në Kosovë nga shtetet perëndimore.
Avdyli, brenda këtyre pesë muajve të fundit dy herë kishte ardhur në Kosovë. Së fundmi ai nga Zvicra kishte sjellë një veturë të cilën kishte planifikuar që ta shiste në vendlindje. Por, pas disa ditëve ai u gjet i vdekur pikërisht në veturën të cilën e kishte planifikuar për shitje. Familjarët e të ndjerit po dyshojnë se ai u vra. Ndërkohë, nuk dinë motivet e kësaj ngjarjeje të rëndë.
Gazeta Express, ka qëndruar në shtëpinë e viktimës. Familjarët nuk besojnë për vetëvrasje. Por thonë se atë e vrau dikush.
Avdyli sipas familjarëve të premten mbrëma kishte dalë për t’u takuar me disa persona për t’ua shitur një veturë. E që nga ajo kohë ai për familjen nuk u bë më i gjallë. Avdyli u gjet i vdekur të dielën në mbrëmje nga një fshatar.
“Nuk e dimë se çka ka ndodhë. Avdylin tonë e kanë vrarë. Nuk ka ndonjë mundësi tjetër. Ai ka dalë të premten në mbrëmje dhe nuk u kthye më”, rrëfehen nga familja, raporton “Gazeta Express”.
Ata tonë se rastin për zhdukjen e Avdylit e kanë paraqitur në rajonin policor të Ferizajt, por këta të fundit sipas familjarëve janë vonuar për nisjen e kërkimeve për të. “E kemi raportuar në polici si të zhdukur. Policia janë vonua deri sa i kanë filluar hetimet”, thonë tutje nga familja, përcjell albinfo.ch.
E trupi i pa jetë i Avdyl K. u gjet të dielën rreth orës 17:00 të pasdites në afërsi të lumit në Ferizaj.
Fytyra e tij sipas familjarëve ka qenë shumë e dëmtuar. Edhe policia e Kosovës për rajonin e Ferizajt ka dhënë detaje për këtë rast.
Sipas policisë, në veturën e viktimës është gjetur një revole, ndërsa në afërsi të veturës është gjetur një karikator. Me urdhër të prokurorit trupi i pajetë është dërguar në IML për obduksion.
“Një mashkull K-shqiptar është gjetur pa shenja jete me një plagë në fytyrë në veturën e tij në afërsi të lumit. Viktima ishte raportuar nga familjarët si person i zhdukur. Në veturën e viktimës është gjetur një revole, ndërsa në afërsi të veturës është gjetur një karikator. Me urdhër të prokurorit trupi i pajetë është dërguar në IML për obduksion”, thuhet në njoftimin e Policisë.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Ku janë restorantet ‘më të mira’ në Zvicër? Zvicra është shtëpia e disa restoranteve më të mira, shumë prej të cilave kanë fituar yjet...
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen