Fëmijët nga Kosova falënderojnë ushtarët amerikanë

Edhe pse fëmijët kanë lindur pas luftës, ata kanë falënderuar ushtarët amerikanë për kontributin e tyre për luftën në Kosovë

Në Ditën e Përkujtimeve në SHBA, Ambasadorja e Kosovës në SHBA, Vlora Çitaku ka dorëzuar në Pentagon 100 kartolina të fëmijëve nga Kosova për ushtarët amerikanë që kanë shërbyer në Kosovë, shkruan albinfo.ch.

Edhe pse fëmijët kanë lindur pas luftës, ata kanë falënderuar ushtarët amerikanë për kontributin e tyre për luftën në Kosovë.

“Moment shumë emocional teksa i dorëzova në Pentagon 100 kartolina falënderimi për ushtarët amerikanë që ishin të përfshirë në operacionin e NATO-s për çlirimin e Kosovës. Kartolinat janë shkruar nga nxënës të shkollave fillore e të mesme anë e kënd Kosovës”, është shprehur Çitaku në “Facebook”.

Lidhja mes Shteteve të Bashkuara të Amerikës dhe Kosovës janë gdhendur edhe te fëmijët kosovarë. Fëmijët kanë shkruar për ëndrrat e tyre dhe ndihmën e ushtarëve amerikanë në momentet më të vështira të Kosovës.