Teatër

Filmi i parë shqiptar “Tana”, në Festivalin “Lumiere”, në Francë

Lajmi bëhet i ditur nga Arkivi Qendror Shtetëror i Flimit, i cili për herë të parë po merr pjesë në programin “Thesare dhe kuriozitete” (Treasures & Curiosities)

Filmi i parë artistik shqiptar me metrazh të gjatë “Tana”, i realizuar në vitin 1958, me regji të Kristaq Dhamos, u shfaq të martën, i restauruar, në Festivalin Ndërkombëtar të Filmit LUMIЀRE, në Lion të Francës. Lajmi bëhet i ditur nga Arkivi Qendror Shtetëror i Flimit, i cili për herë të parë po merr pjesë në programin “Thesare dhe kuriozitete” (Treasures & Curiosities), përcjell albinfo.ch.

Shfaqja e filmit u prezantua nga Maelle Arnaud, drejtoreshë e programacionit të Festivalit LUMIÈRE, e cila ia dha fjalën drejtoreshës së AQSHF-së, Marinela Ndria, për të prezantuar filmin dhe procesin e restaurimit. Prezantimi u mbyll nga studiuesi Jowl Chapron, i cili ka si profil të punës së tij studimin e kinematografive të Europës Qendrore dhe Lindore.

Filmi “TANA” do të shfaqet edhe më 21 tetor, në orën 10:45, në Lumiere Terreaux. Gjithashtu, delegacioni nga AQSHF do të marrë pjesë në Marketin Ndërkombëtar të Filmit Klasik MIFC, ku do të prezantojnë kinematografinë shqiptare në festivale apo distributorë të tjerë të interesuar për ta shfaqur.