Maqedonia

Fletarrestim ndërkombëtar për Gruevskin

Pas njoftimit të Gjykatës Penale se nuk ka mundur ta gjejë ish-kryeministrin Nikolla Gruevski që t’ia japë vendimin për mbajtjen e burgut prej 2 vjetëve, Ministria e Punëve të Brendshme e Maqedonisë ka lëshuar fletarrestim ndërkombëtar për të.

Në momentin e parë që do ta gjejë MPB, në mënyrë të detyrueshme do ta dërgojë në Burgun e Shutkës, përcjell albinfo.ch.

E kryeministri i Maqedonisë, Zoran Zaev, në debatin e hapur për RTM për Buxhetin e Republikës së Maqedonisë për vitin 2019, foli në lidhje me fletarrestimin e lëshuar për ish-kryeministrin Nikolla Gruevski.

“Nuk besoj se zoti Gruevski do ta lejojë një gjë të tillë, të paktën sipas asaj që ka thënë deri më tani”, ka theksuar Zaev.