Florian Marku sonte në Tiranë ndeshet me meksikanin Parra Ramirez

Florian Marku do të ndeshet sot, më 25 gusht, me rivalin meksikan Miguel Parra, njofton albinfo.ch.

Ende i pamposhtur, boksieri shqiptar nga ora 18:00 do të luftojë në Tiranë, ku do të përballet me rivalin meksikan Miguel Parra Ramirez për titullin WBC Silver Interim në peshën e lehtë në stadiumin Air Albania.

Të enjten 29-vjeçari planifikon të vazhdojë rritjen e tij të shpejtë, duke shtuar një rrip në koleksionin e tij në rritje.

“Jam i kënaqur me rezultatet e mia”, tha Marku, duke folur për Sky Sports.

“Unë jam i ri në këtë lojë, ju e dini se kam qenë kikboksier dhe boksi është pak më ndryshe, por unë jam duke u përmirësuar shumë dhe kam shumë më tepër për t’u treguar njerëzve. Të luftoja në Shqipëri ishte ëndrra ime që kur isha fëmijë. [Do të ketë] mijëra njerëz atje dhe nuk mund të pres. Është e pabesueshme dhe të gjithë shqiptarët do të jenë aty”.

---