Lajme
Franca ekstradon në Zvicër të dënuarin për vrasje, Bashkim L.
Siç bën të ditur Drejtoria për Siguri dhe Drejtësi e Kantonit të Friburgut, B.L. është ekstraduar me procedurë të thjeshtësuar nga Franca në Zvicër
Franca ka ekstraduar dje në Zvicër Bashkim L, 35-vjeçar, të dënuar për vrasjen e kryer në vitin 2013 në Frasses të Kantonit të Freiburgut. Dy vjet pasi ishte arratisur nga burgu, ai ishte kapur më 8 korrik në EuroAirport Basel-Mulhouse-Freiburg, prej nga e kishin marrë autoritetet e Francës, pasi që ishte arrestuar në pjesën franceze të aeroportit.
Nga e mërkura (dje, më 23 korrik), Bashkim L. ndodhet në Zvicër. Siç bën të ditur Drejtoria për Siguri dhe Drejtësi e Kantonit të Friburgut, B.L. është ekstraduar me procedurë të thjeshtësuar nga Franca në Zvicër, me pëlqimin edhe të vetë personit të përmendur.
I dënuari me burgim të përjetshëm, Bashkim L., 35-vjeçar, ka qëndruar në burg nga viti 2013, ndërsa në shtator të vitit 2017 ai ishte arratisur nga një qeli në burgun qendror të Freiburgut.
Arrestimi i tij është bërë në saje të bashkëpunimit të Policisë Zvicerane me policitë e tjera ndërkombëtare.
Siç kishin treguar hetimet asokohe, konsiderohej shumë e mundur që në aktin e arratisjes ai kishte pasur ndihmën e dikujt nga jashtë, thotë një zëdhënës i policisë, shkruan sda.ch.
Bashkim L. konsiderohet si njëri ndër dy personat që kanë kryer vrasjen në majin e vitit 2013 në Frasses, transmeton albinfo.ch. Me atë rast ishte vrarë një shqiptar 36-vjeçar i Kosovës, me shtetësi italiane. Shtetasi italian sapo kishte ardhur në shtëpi me automobil, ku kishte gruan dhe katër fëmijët, kur dy persona kishin hapur zjarr mbi të, duke e vrarë në praninë e familjarëve.
Vrasja konsiderohet të ketë qenë një akt hakmarrjeje në vazhdën e një sherri të përgjakshëm shumëvjeçar në mes të dy klaneve familjare nga Kosova.
Pas aktit të vrasjes, ishin arrestuar të dy personat e dyshuar dhe ishin dënuar në shkallën e parë me burg të përjetshëm, përcjell albinfo.ch. Të dy e kishin atakuar vendimin gjyqësor në një instancë më të lartë, duke mohuar akuzat.
Gjykata Kantonale e Freiburgut në korrik të vitit 2018 i kishte miratuar pjesërisht ankesat e tyre. Ajo e kishte shpallur personin e dytë (shqiptar me shtetësi të Maqedonisë) fajtor për ndihmë në vrasje dhe për bartje të paligjshme të armës, transmeton albinfo.ch. Kështu, ai qe dënuar me 9 vjet heqje lirie.
Ndërsa Bashkim L. i ishte ulur dënimi nga burgim i përjetshëm, në heqje lirie për 20 vjet. Por, vepra penale me të cilën ishte dënuar ka mbetur e njëjtë: vrasje e rëndë dhe mbajtje e armës pa leje.
Të ngjashme
Të tjera nga Lajme
E-Diaspora
-
Pas pushimit pranveror, rinis mësimi plotësues i Gjuhës Shqipe, në shkollën Ostermundigen Bern Pas pushimit të pranverës, Shkolla Shqipe Ostermundigen Bern ka rinisur mësimin plotësues të Gjuhes Shqipe, transmeton...
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën