Francezët dëshirojnë të investojnë në sektorin e turizmit në Kosovë

Afaristët nga Franca u shprehën se Kosova ofron mundësi shumë të mira për investime dhe se ata janë të interesuar për të zgjeruar aktivitetet e tyre në Republikën e Kosovës

Francezët kanë shprehur dëshirë të investojnë në Kosovë, sidomos në sektorin e turizmit dhe hotelerisë, njofton albinfo.ch.

Ministrja e Tregtisë dhe Industrisë, Hykmete Bajrami, ka pritur afaristin nga Franca, Pascal de Pingon, përfaqësues i kompanisë Accor Hotels dhe Roger Forneris, Drejtor i Projekteve në Aeroportin e Lyonit, të cilët ishin të shoqëruar nga kryetari i Odës Ekonomike Gjermane, Fadil Hoxha, njofton kumtesa ministrore.

Ministrja i ka njoftuar afaristët për mundësinë që i kanë të investojnë në Kosovë, kurse gjatë këtij takimi u bisedua për mundësinë e investimeve të francezëve, veçanërisht në sektorin e turizmit dhe hotelerisë.

Afaristët nga Franca u shprehën se Kosova ofron mundësi shumë të mira për investime dhe se ata janë të interesuar për të zgjeruar aktivitetet e tyre në Republikën e Kosovës.