Lajme
Frikë nga korona: Qytetarët e Vjenës përdorin më shumë veturat se sa transportin publik
“Wiener Linien” po përballet me një rënie të madhe të udhëtarëve. Nga frika e infeksionit, shumë njerëz vazhdojnë ta përdorin veturat si mjet transporti edhe pas lirimit të masave
Pas heqjes së masave, lëvizshmëria në Vjenë u rrit përsëri, por transporti publik po lufton me një rënie të madhe të udhëtarëve.
Në krahasim me kohën para Koronavirusit, rreth gjysma e qytetarëve më pak sot e përdorin metronë, tramvajet apo autobusët në kryeqytet. Shumë prej tyre kanë frikë nga infeksioni.
Maska e detyrueshme nëpër transportin publik është po ashtu një pengesë për qytetarët. Rënia e numrit të udhëtarëve ka shkaktuar humbje të madhe të të ardhurave. “Wiener Linien” po bën apel te qytetarët që të përdorin sa më shumë transportin publik përsëri, jo vetëm për shkak të krizës klimatike, shkruan heute.at, përcjell Albinfo Austria.
“Para pandemisë, ne ishim në maje të suksesit sa i përket imazhit të transportit publik”, ka thënë udhëheqësja e “Wiener Linien”, Alexandra Reinagl. “Gjithmonë ka pasur rekord të udhëtarëve, tani befas ka një rënie të dukshme”.
Në kohën e kufizimeve më të rrepta të daljeve, vetëm 20 për qind e udhëtarëve të zakonshëm udhëtonin me transportin publik. Megjithëse numri i udhëtarëve është rritur përsëri, prapëseprapë kemi gjysmën e udhëtarëve të humbur. Kjo gjithashtu ka shkaktuar humbje miliona euro nga të ardhurat e biletave.
Kompania tani po përpiqet të lehtësojë frikën e udhëtarëve nga infeksioni. Më 6 maj, AGES (Agjencia për Shëndetin dhe Sigurinë e Ushqimit) prezantoi një studim, sipas të cilit, asnjë rast i infektimit nuk ka ndodhur në transportin publik.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?