Futboll

Fadil Vokrri do të ketë shtatoren përpara stadiumit që mban emrin e tij

Kështu shkruan mediumi i mirënjohur francez “SoFoot”

Legjenda e futbollit kosovar, Fadil Vokrri, do të ketë shtatoren përpara stadiumit që mban emrin e tij. Kështu e nis shkrimin mediumi i mirënjohur francez “SoFoot”, kushtuar eventit të djeshëm, ku u zbulua buceta fituese e shtatores së Fadil Vokrrit, përcjell albinfo.ch.

Tani më dy vjet pas vdekjes së Fadil Vokrrit, ish-presidentit të Federatës së Futbollit të Kosovës, Kosova e nderoi atë.

Të martën u zbulua buceta fituese e shtatores së Vokrrit, ish-futbollistit të FC Prishtinës.

Kjo shtatore do të vendoset para stadiumit që mban emrin e tij, “Fadil Vokrri”, në stadiumin ku i zhvillojnë ndeshjet FC Prishtina dhe Përfaqësuesja e Kosovës.

Ndryshe, kjo shtatore kushtuar Vokrrit do të kushtojë 49 mijë euro dhe do të jetë 3 metra e gjatë. /Albinfo.ch