Bota
Gjashtë muajt që do të ndryshojnë BE-në
Zgjedhja e eurodeputetëve në 28 shtetet anëtare të BE-së, nga data 23 deri më 26 maj, është fillimi i një transformimi të plotë të institucioneve europiane deri në fund të vitit 2019. Ja fazat kryesore:
23 deri më 26 maj
Rinovimi i Parlamentit Europian nis të enjten, me zgjedhjet që do të mbahen në Britaninë e Madhe dhe në Holandë. Të premten voton Irlanda, por edhe Republika Çeke, ku zgjedhësit kanë dy ditë kohë, deri të shtunën, për t’iu drejtuar qendrave të votimit.
Të shtunën votimi nis në Letoni, Maltë dhe Sllovaki, ndërsa në 21 shtete anëtare do të zhvillohen të dielën, përfshirë Gjermaninë, Francën, Spanjën, Italinë, Poloninë etj.
Në mbyllje të qendrave të votimit në Itali, autoritetet kombëtare të secilit prej të 28 duhet të shpallin rezultatet, shkruan ATSH, përcjell Albinfo.ch.
Parlamenti Europian do të publikojë parashikimet për përbërjen e ardhshme të sallës, ku do të ulen europarlamentarët duke filluar nga ora 18:00 në bazë të sondazheve të kryera pas daljes nga qendrat e votimit.
28 maj
Një samit i jashtëzakonshëm i krerëve të shteteve dhe qeverive do të thërritet në Bruksel për të shpallur rezultatet e zgjedhjeve.
Çdo familje politike (konservatorët, socialistët, liberalët etj) i kanë numëruar deputetët e tyre, vjen momenti i negociatave për të përzgjedhur pasuesit e Jean-Claude Juncker në krye të Komisionit dhe Donald Tusk në presidencën e Këshillit Europian, organ që përfaqëson shtetet anëtare.
20 dhe 21 qershor
Një samit i ri europian mblidhet, por këtë herë me objektivin për të përfunduar fazën e kandidaturave. Përzgjedhja bëhet me shumicë të cilësuar.
Marrëveshja për emrin e ardhshëm të numrit një të Komisionit, ekzekutivi i BE-së pritet të kushtëzojë të gjitha emërimet e tjera (presidenca e Këshillit, shefi i diplomacisë europiane).
Të ngjashme
Të tjera nga Bota
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim