Gjermanët mbështesin masat shtrënguese

Sondazhi zbuloi se 50% e gjermanëve presin lehtësim në rritje të masave nga 7 marsi

Një shumicë e ndjeshme e qytetarëve gjermanë mbështesin vendimin e liderëve politikë për të zgjatur masat e bllokimit të koronavirusit, sipas rezultateve të një studimi të botuar sot.

Kancelarja gjermane Angela Merkel dhe 16 kryeministrat e landeve ranë dakord për të zgjatur bllokimin disamujor deri më 7 mars, me disa përjashtime kryesore.

Shtatëdhjetë e dy përqind e atyre të anketuar nga “Forsa”, në një studim të porositur nga transmetuesit RTL dhe NTV, e mbështetën këtë vendim, ndërsa një e katërta ishin kundër, transmeton ATSH.

Sondazhi zbuloi se 50% e gjermanëve presin lehtësim në rritje të masave nga 7 marsi, krahasuar me 45% që duan ta shohin atë të zgjatur edhe më tej apo edhe të intensifikuar, përcjell albinfo.ch.

Në një konferencë shtypi në Berlin, ministri i Shëndetësisë Jens Spahn tha se kishte pasur një ulje “inkurajuese të fortë” në numrin e rasteve.

Por, ai paralajmëroi se përparimi ende nuk ishte i mjaftueshëm për të justifikuar heqjen e bllokimit, duke treguar gjithashtu për rreziqet që paraqiten nga variantet e reja të virusit.

---