Bota
Gjermania ndryshon rregullat për azilkërkues
Gjermania ishte në mesin e vendeve pro një sistemi automatik të zhvendosjes së azilkërkuesve
Gjermania ka propozuar një skemë automatike të zhvendosjes për azilkërkuesit, pas thirrjeve të përsëritura për reformimin e sistemit të përbashkët evropian të azilit (CEAS).
Propozimi gjerman është më shumë një dokument këshillimi sesa një plan zyrtar dhe sugjeron që kërkesat për azil të ekzaminohen në kufijtë e jashtëm të BE-së. Shpërndarja e azilkërkuesve në vendet anëtare do të bëhet nga EASO, agjencia e azilit të BE-së, në bazë të “ndarjes së drejtë”, duke marrë parasysh popullsinë e secilit vend dhe PBB-në e saj.
Horst Seehofer, ministri i Brendshëm i Gjermanisë nga Partia Kristiane Demokratike, kishte propozuar në tetor që aplikantët për azil t’i nënshtroheshin vlerësimit fillestar në kufijtë e jashtëm të Evropës dhe të ktheheshin në vendet e tyre të origjinës pikërisht nga atje.
Sipas tij, vetëm azilkërkuesit që janë nevojtar të mbrojtjes evropiane duhet të shpërndahen midis grupit të vendeve “të gatshme” të BE-së, por duhet të merren masa për të parandaluar “lëvizjet sekondare”, që do të thotë të ndalohen azilkërkuesit të lëvizin ilegalisht nga një vend në një tjetër, transmeton Scan.
Seehofer do të paraqesë planin e Gjermanisë dhe brenda javës, do të zhvillohen takime në Berlin me vendet anëtare të BE-së, përcjell albinfo.ch.
Gjermania ishte në mesin e vendeve pro një sistemi automatik të zhvendosjes së azilkërkuesve, duke theksuar shpërpjesëtimin e përgjegjësisë midis vendeve anëtare të BE-së. Presidenti Emmanuel Macron njoftoi në korrik, se 14 vende kishin rënë dakord të merrnin pjesë në një skemë automatike të zhvendosjes që do të zëvendësonte mekanizmin e detyrueshëm të zhvendosjes së BE-së. Megjithatë, vetëm gjashtë prej tyre kishin një rol aktiv; dueti franko-gjerman, Luksemburgu, Portugalia, Finlanda, Lituania, Irlanda dhe Kroacia.
Presidentja e Komisionit të BE-së, Ursula von der Leyen, pritet të paraqesë paketën e saj të emigracionit në shkurt, ndërsa Gjermania tashmë është duke u përgatitur për të marrë përsipër Presidencën e Këshillit të BE në gjysmën e dytë të vitit 2020.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Mbi 60 trena shtesë drejt Ticinos gjatë fundjavave në maj Ashtu siç bëri për festat e Pashkëve, kompania kombëtare hekurudhore, SBB, do të vërë në shërbim...
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie