Lajme

Gjilanasi, doktori më i ri në fizikën bërthamore në Amerikë

Dren Qerimi është shqiptari nga Kosova, i cili ka një përvojë të pasur profesionale. Tani ka doktoruar në Universitetin e Illinois-it, në Urbana-Champaign, në departamentin e inxhinierisë nukleare, plazmatike dhe radiologjike, transmeton albinfo.ch.

Dren Qerimi është nga Gjilani dhe ka marrë titullin Doktor i Shkencave në Fizikën Nukleare.

Dreni vajti në SHBA me bursë studimi në nivelin Bachelor në Universitetin e Illinois-it në Urbana-Champaign.

“Unë kam ardhë në SHBA dhjetë vite me parë pasi e kam fituar një bursë nga fondacioni Bislimi Group (Faton Bislimi). Ka qenë një rrugë me shume sfida dhe shpërblime, por ka qenë një udhëtim si asnjë tjetër dhe unë kam mësuar shumë”, ka thënë ai. /Albinfo.ch