Gjithnjë e më shumë mjekë po ikin nga Maqedonia

Gjatë dy viteve të fundit vetëm nga Maqedonia janë larguar rreth 400 mjekë.

Pagat e larta në vendet evropiane  po joshin gjithnjë e më tepër mjekët nga vendet e Ballkanit.

Një hulumtim i realizuar nga ‘Heltgruper’  thotë se ky fenomen, që është në rritje, mund të rrezikojë stabilitetin e sistemit shëndetësor në gjithë rajonin’.

“Mes mjekëve të rinj, në të gjitha vendet, sidomos në Maqedoni, Shqipëri dhe Serbi ekziston një bindje se për të siguruar një vend pune patjetër duhet të kesh lidhje politike. Kjo është edhe një arsye tjetër që ndikon tek disa mjekë të dëshpëruar, të cilët detyrohen të kërkojnë mundësi të punojnë jashtë vendit”, deklaruan në ‘Heltgruper’, transmetojnë mediat në Shkup.

Emigrimi i personelit mjekësor ndikon në uljen e cilësisë së shërbimeve shëndetësore, thotë me tutje studimi.

Gjermania dhe Sllovenia janë vendet më të preferuara për mjekët nga Maqedonia.