“Gunpowder” në BBC, nga 21 tetori

Seria e shumëpritur “Gunpowder” që flet për njërin prej komploteve më të famshme në historinë britanike, do të fillojë të shfaqet nga 21 tetori.

Drama e BBC-së e xhiruar në Yorkshire, flet për tregimin e brendshëm të asaj që quhet ‘Komploti për Barutin’.

Kjo seri, në të cilin luan ylli i Game of Thrones, Kit Harington, bashkë me Liv Tyler dhe Mark Gattis, do të fillojë të shfaqet në BBC One më 21 tetor, përcjell albinfo.ch.

Seria e shumëpritur ishte xhiruar në disa lokacione në qytet përgjatë vitit 2017. Trileri me tri pjesë bazohet në Komplotin për Barutin, kur një grup katolikësh të persekutuar komplotuan kundër Parlamentit britanik në vitin 1605.

Në vend të figurës qendrore të kësaj ngjarjeje, Guy Fawkes, drama fokusohet në skemën e atij që e krijoi këtë ide, Robert Catesby, një pronar tokash nga Warwickshire, të cilin e aktron Harington. Gatiss ndërkaq aktron spiunin e mbretit James, Robert Cecil dhe Tyler është kushërira e Catesby, Anne Vaux.