Vera në Vendlindje
Hapet shkolla verore për të rinjtë nga diaspora shqiptare
Sot, në ambientet e Universitetit Amerikan në Prishtinë, u hap shkolla verore nga Ministria e Diasporës, në bashkëpunim me AUK-un dhe institutin Ed Guard.
Qëllimi i organizimit të kësaj shkolle është që të rinjtë nga diaspora të njihen me gjuhën, kulturën dhe historinë shqiptare, që përmes tyre ta ruajnë identitetin kombëtar e kulturor, por edhe shoqërimi i tyre dhe shkëmbimi i eksperiencave.
Hapjen e shkollës e bëri Lavon Bajrami, përfaqësues i AUK-ut. Pas tij, me një fjalë rasti u paraqit ministri i Diasporës, Valon Murati.
Pasi i përshëndeti nxënësit pjesëmarrës të këtij aktiviteti, ministri Murati tha: “Hapja e shkollës verore për të rinjtë nga diaspora është vazhdimësi e programeve tona për ruajtjen e gjuhës dhe kulturës shqiptare në diasporë, por edhe për shoqërimin e tyre me nxënës nga Kosova e Shqipëria”.
Në këtë aktivitet ishte i pranishëm edhe ministri i Mirëqenies Sociale dhe i Rinisë i Shqipërisë, Blendi Klosi, i cili të pranishmëve iu drejtua me fjalët: “Nga të dyja qeveritë, diaspora shqiptare konsiderohet një dhe e bashkuar! Andaj, së bashku me ministrin Murati jemi duke hartuar dhe duke zbatuar programe të përbashkëta për diasporën, kryesisht për të rinjtë tanë nëpër botë”.
Kampi/shkolla verore do të vazhdojë deri më 8 gusht, me aktivitete mësimore dhe vizita në institucione kulturore e arsimore në Kosovë e Shqipëri.
Të tjera nga Vera në Vendlindje
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore