Haradinaj fton mërgimtarët e Rahovecit në takim

Kryeministri Ramush Haradinaj, ka ftuar mërgimtarët që të jenë pjesë e një takimi mikpritës i cili do të mbahet në Qeverinë e Kosovës.

Në letrën e Haradinajt shkruhet: “Mërgata jonë ka qenë dhe vazhdon të jetë pjesë e rëndësishme e të gjitha zhvillimeve ekonomike e kulturore në vendin tonë.Mbetemi të përkushtuar dhe të nagazhuar që mërgata të jetë pjesë e pandarë e të gjitha zhvillimeve në vend, sepse ajo është pjesa më e çmuar e atdheut, prandaj ne po mundohemi që t’ua bëjmë më të këndshëm qëndrimin në vendlindje duke i mirëpritur, e duke u mundësuar shërbime sa më cilësore”.

Sipas ftesës, më datë 29 korrik 2019, me fillim në ora 11:00 në sallën e Qeverisë P-38 në Prishtinë, ftohen mërgimtarët respektivisht mërgimtarët e Komunës së Rahovecit që të jenë pjesë e këtij takimi mikpritës.