Kosova
Haradinaj: Veseli e Thaçi ishin të padrejtë me mua në takimet e mbyllura me amerikanët
Për të komentuar deklaratën e Veselit se “kryeministri më s’jepet me qira”, Haradinaj ka thënë se ka “marrë shumë vendime të mëdha për vendin
Ramush Haradinaj, ish-kryeministër, ka thënë se presidenti Hashim Thaçi dhe kryeparlamentari Kadri Veseli ishin të padrejtë në takimet e mbyllura që kishin me partnerët ndërkombëtarë, sa i përket taksës.
“Edhe presidenti edhe Veseli kanë qenë plotësisht të padrejtë në takimet me amerikanët, në takimet e mbyllura. Më kanë shfaqur mua si pengesë për të mos vazhduar dialogun. E pengesë ka qenë Serbia që ka vënë kushte. Ai që ka bë masakra e krime, ka qitë kushte. Ne si viktimë, duhet të heqim taksën për të shkuar në dialog. Mendoj që kam vepruar mirë që s’kam lejuar”, ka thënë Haradinaj.
Për të komentuar deklaratën e Veselit se “kryeministri më s’jepet me qira”, Haradinaj ka thënë se ka “marrë shumë vendime të mëdha për vendin”.
“Kam bë një listë. Janë 24 vendime që po qarkullojnë. Janë mbi 100 në total. Shumica ishin të vështira edhe brenda koalicionit qeverisës. Kam respekt për PDK-në për besimin që ma kanë dhënë, por jam deklaruar në fushatë që borxh i kam vetëm qytetarit. Gjithmonë, kam thënë faleminderit partnerëve por borxh i kam qytetarëve”, ka thënë Haradinaj përcjell Albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit