Lajme
I ftohti në Gjermani anulon qindra fluturime
Raportohet se disa zona në Gjermani janë paralajmëruar sot për një mot të ashpër, për shkak të kushteve të rrezikshme të motit të acartë, që goditi pjesë të mëdha të vendit në fillim të javës, nën ndikimin e temperaturave nën zero, përcjell albinfo.ch.
“Operacionet në aeroportin më të madh të Gjermanisë janë ndërprerë, duke shkaktuar anulime dhe vonesa në Frankfurt”, tha sot operatori i objektit.
“Rreth 180 nga 1.100 fluturime të planifikuara sot, janë anuluar”, sipas një zëdhënësi të aeroportit.
“Operacionet nuk ishin ndalur plotësisht, por aktualisht u lejuan të ulen më pak aeroplanë se zakonisht, pasi pista veri-perëndimore e aeroportit u mbyll në mëngjes”, tha zëdhënësi.
“Rrjeti hekurudhor i Gjermanisë gjithashtu u ndërpre sot për disa orë”, tha Deutsche Bahn.
Më vonë gjatë ditës, operatori hekurudhor postoi në Twitter se trenat në distanca të gjata po udhëtonin përsëri me shpejtësi të plotë.
Pati disa aksidente automobilistike në gjithë vendin, duke përfshirë një autobus, i cili u përplas me një pemë pranë Frankfurtit pasi doli nga një rrugë e rrëshqitshme.
“Vetëm në qytetin verior të Hamburgut ka pasur më shumë se 200 aksidente rrugore sot në mëngjes”, sipas brigadës së zjarrfikësve.
Si masë paraprake, shumë shkolla, tregje të produkteve për Krishtlindje dhe kopshte zoologjike u mbyllën në gjithë vendin.
Në rajonin jugor të Baden-Württemberg, i goditur tashmë nga i ftohti ekstrem javën e kaluar, priten stuhi të tjera.
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve