Interesim i vogël i diasporës për të votuar në Kosovë

Lorik Pustina nga Ministria e Diasporës ka thënë se kapacitet nuk kanë lejuar që të bëjnë shumë për diasporën por që i kanë inkurajuar që të jenë pjesë e zhvillimeve në Kosovë.

Arsyeve politike, ekonomike por edhe procedurat ka bërë që të ketë interesimi të ulët të diasporës për të votuar në zgjedhjet që mbahen në Kosovë. Kështu thuhet në raportin e Demokracisë për Zhvillim dhe Demokraci plus. Aty theksohet se mungesa e dokumenteve të identifikimit, mungesa e njohurive për të drejtat zgjedhore, përfaqësimi i dobët i interesave të diasporës, targetimi i dobët i qytetarëve jashtë vendit si dhe kostoja e aplikimit dhe votimit janë pengesat tjera për pjesëmarrjen e diasporës në zgjedhje.

Këto dy organizata kanë dalë me një sërë rekomandimesh si në kornizën ligjore ashtu dhe në reformën zgjedhore. Këto organizata joqeveritare kanë rekomanduar që të zhvillohet moduli elektronik që do ta thjeshtësonte aplikimin dhe do të bëhej shmangja e gabimeve. Avokati i Popullit, Hilmi Jashari, ka thënë se kanë dorëzuar rekomandime për përmirësim të procesit zgjedhor për votuesit nga diaspora.

Lorik Pustina nga Ministria e Diasporës ka thënë se kapacitet nuk kanë lejuar që të bëjnë shumë për diasporën por që i kanë inkurajuar që të jenë pjesë e zhvillimeve në Kosovë.

 

---