Jaguar Land Rover nga 2020 me modele elektrike

Vetura e parë tërësisht elektrike e JLR-së pritet të dalë në shitje vitin e ardhshëm

Jaguar Land Rover është kompania e fundit që ka njoftuar planet për të ardhmen elektrike, duke konfirmuar se çdo model i grupit që nga viti 2020 do të ketë versionin elektrik.

“Çdo model i ri i Jaguar Land Rover do të elektrifikohet nga viti 2020, duke iu dhënë klientëve tanë më shumë zgjedhje. Do të prezantojmë produktet elektrike, tërësisht elektrike, plug-in hibride dhe hibride”, ka thënë Ralph Speth, shefi i Jaguar Land Rover.

Vetura e parë tërësisht elektrike e JLR-së pritet të dalë në shitje vitin e ardhshëm. Ai është versioni tërësisht elektrik i I-Pace, që mund të kalojë deri afër 500 kilometra me një mbushje dhe ka fuqi prej 395 kuajfuqish.

 

---