Bota
Johnson i kërkon falje partisë për shtyrjen e Brexit-it
Ai tha se kjo shtyrje është e dhimbshme dhe për keqardhje të thellë
Kryeministri i Britanisë së Madhe dhe kryetari i Partisë Konservatore, Boris Johnson, u ka kërkuar falje anëtarëve të kësaj partie për mosrealizimin e premtimit për largimin e Britanisë së Madhe nga Bashkimi Evropian më 31 tetor.
Ai tha se kjo shtyrje është e dhimbshme dhe për keqardhje të thellë, sepse i ka sjellë vendit edhe më shumë paqartësi.
Johnson vazhdimisht ka thënë se Brexit-i do të përfundonte në fund të muajit tetor. Madje, ai kishte deklaruar se më parë do ta mbyste veten në një pus, sesa ta shtynte afatin e këtij procesi. Megjithatë, ai në fund kërkoi nga BE-ja që Brexit-it të shtyhet deri më 31 janar të vitit të ardhshëm.
Sipas tij, shtyrja e largimit nga BE-ja nuk është e dhimbshme për shkak të egos së tij, por për shkak se bizneset dhe familjet nuk kanë mundur të bëjnë plane, pasi nuk e kanë ditur se kur do të kryhet Brexit-i.
I pyetur se sa mund t’i besojë populli për realizimin e Brexit-it, ai tha: “Mos i harroni rrethanat në të cilat ndodhi shtyrja. Ajo ndodhi për shkak se kuvendi e miratoi aktin e dorëzimit”.
Kryeministri britanik gjithashtu e përsëriti qëndrimin se Partia Konservatore nuk do të bëjë marrëveshje me Partinë e Brexit-it para zgjedhjeve, shkruan “The Guardian”, përcjell Albinfo.ch.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane