Bota
Joprofesionalizmi i policisë gjermane po bën xhiro në rrjetet sociale
Pas sulmit ndaj dy policëve gjermanë në Plauen, policia është duke hetuar ndaj tre të dyshuarve kryesorë. Personave tashmë të njohur për policinë, një 38, 21 dhe 16-vjeçar, nga Maqedonia, Libia dhe Kroacia akuzohen për sulm ndaj oficerëve policorë, lëndime të rrezikshme trupore dhe fyerje
Të enjten e kaluar ata kishin penguar masivisht një operacion policor në Postplatz, në Plauen. Një video e incidentit që të dielën u shfaq në rrjetet sociale, ka shkaktuar zemërim dhe thirrje për veprim më të ashpër të policisë, përcjell albinfo.ch.
Shkaku ishte arrestimi i një libiasi 23-vjeçar. Përkundër ftesës gjyqësore nga Gjykata rajonale e Plauenit, nga e cila akuzohej për ngacmim seksual, ai nuk i ishte përgjigjur ftesës. Dy policët shkuan në Postplatz ku dyshonin se mund ta gjenin të dyshuarin.
Pas futjes së tij në patrullën policore, shtetasi 38-vjeçar maqedonas filloi të protestonte dhe të filmonte policinë me telefonin e tij celular. Kur një nga oficerët u përpoq ta ndalonte atë, maqedonasi u zemërua pa masë dhe filloi të ecë në drejtim të policëve. Libiasi 21-vjeçar dhe bashkëpunëtori i tij kroat gjithashtu sulmuan policinë. Këta pësuan lëndime të lehta dhe është dashur të përdorin gaz lotsjellës për t’u mbrojtur.
Ndërkohë, libiasi 23-vjeçar i arrestuar, u largua vetura policore. Me ndihmën e përforcimit policor, më në fund situata u vendos nën kontroll dhe i dyshuari i arratisur sërish u arrestua.
Zëdhënësi i policisë në Plauen, Oliver Wurdak, ngjarjen e ka përshkruar si një “rast të jashtëzakonshëm”, shkruan “Junge Freiheit”, përcjell Albinfo.ch. Fakti që zyrtarët u sulmuan masovisht nga disa pjesëmarrës, ishte përjashtim absolut. Megjithatë, ata tani do të vlerësojnë operacionin për të përgatitur policët në të ardhmen më mirë në situata të tilla.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard