Shkurt.ch

Kapet droga me vlerë prej mbi 100 mijë frangash

Shqiptari 32 vjeçar i cili nuk ka vendbanim të rregullt në Zvicër, po mbahet në burgun për hetime. Ai ngarkohet, pos tjerash për tregti me substanca narkotike

Në kuadrin e një aksioni të koordinuar, Policia Kantonale e Soloturnit, gjatë javës së kaluar ka arrestuar në Grenchen një person me shtetësi shqiptare, të dyshuar për marrje me tregti droge. Me këtë rast janë sekuestruar substanca narkotike me vlerë prej më shumë se 100 mijë frangash pastaj një armë dhe disa mijëra franga para të gatshme, thuhet në një njoftim të Policisë së Kantonit të Solothurnit, transmeton albinfo.ch.

Me rastin e bastisjeve të kryera pas kapjes së personit të dyshuar në shtëpinë e tij, policët kanë gjetur dhe konfiskuar rreth 4.4 kilogramë heroinë, rreth 500 gramë marihuanë, rreth 50 gramë kokainë, materje përpunuese, disa mijëra franga para të gatshme si dhe një revole bashkë me municion.

Shqiptari 32 vjeçar i cili nuk ka vendbanim të rregullt në Zvicër, po mbahet në burgun për hetime, transmeton albinfo.ch. Ai ngarkohet, pos tjerash për tregti me substanca narkotike. Partnerja e tij shqiptare, e cila po qëndronte në Zvicër ilegalisht është vendosur në burgun për dëbim.

(Foto. Kapo Solothurn)