Katër të rinj nga Friburgu humbën jetën në një aksident rrugor në Francë

Katër të rinj nga Fribourg, të moshës 16 deri në 18 vjeç, humbën jetën të premten në mbrëmje në Collonges, Ain (F), në një aksident rrugor ku përfshihej një automjet i vetëm. Policia e Fribourg u informua për tragjedinë rreth orës 1:00 të mëngjesit të natës së së premtes ndaj të shtunës dhe u urdhërua të njoftonte vdekjet familjeve.

Makina ishte e regjistruar në Zvicër, tha të shtunën zyra e prokurorit të Bourg-en-Bresse. Viktimat ishin me banim në rrethet Veveyse dhe Sarine, tha për Keystone-ATS kreu i komunikimit të policisë së Fribourg, Martial Pugin. Janë tre të rinj, një 16 vjeç dhe dy 18 vjeç, si dhe një grua 18 vjeçe, shkruan RTS, transmeton albinfo.ch.

Makina doli nga rruga pak pas orës 22:30 në një rrethrrotullim në komunën e Collonges, e vendosur në zonën kufitare me Zvicrën, përpara se të shpërthente në flakë.

Sipas të përditshmes rajonale Le Dauphiné Libéré, viktimat donin ta kalonin fundjavën në Paris.