Kosova
KEK-u shpërblen punëtorët me nga 200 euro shtesë
Të gjithë punëtorët e Korporatës Energjetikë të Kosovë (KEK) do të kenë në llogarit e tyre bankare nga 200 euro më shumë se pagat e rregullta.
Ky shpërblim i është ndarë në emër të performancës se mirë që rezulton me 23 milionë euro profit vjetor, duke shënuar një rritje rekord për 30 për qind krahasuar me vitin paraprak.
Vendimi për këtë bonus është marrë sot në mbledhjen e rregullt të Bordit të Drejtorëve.
Drejtori menaxhues i KEK-ut, Njazi Thaçi, ka thënë që ndjehet i lumtur për rezultatet e arritura.
“Kemi performancë të jashtëzakonshme në të gjithë sektorët. Kemi tejkaluar të gjitha parashikimet, pavarësisht se ky vit ka qenë shumë me sfidues duke marrë parasysh problemet që kemi pasur në fillim të vitit me mungesën e thëngjillit dhe procesin e shpronësimeve. Por, falë angazhimit maksimal të të gjithë punëtorëve, kemi një profit prej 23 milionë euro që shënon rritje rekord për 30 % me shumë sesa vitin paraprak”, ka thënë Thaçi.
Ai ka treguar se pavarësisht këtyre rezultateve, KEK-u nuk ka bërë asnjë investim në organizimin e festave të fundvitit, madje as nuk ka shpenzuar në dhurata dhe gjëra të tjera.
“Gjatë gjithë kohës kemi qenë shumë të kujdesshëm në shpenzime. Kemi zvogëluar në minimum shpenzimet operative, të cilat nuk lidhen me prodhim dhe siguri në punë. Në rastin e organizimeve festive ndoshta nuk është në pyetje shpenzimi, por kemi qenë krejtësisht të përkushtuar në punë dhe nuk kemi menduat për organizime festive, pavarësisht së punëtorët e KEK-ut meritojnë ndoshta me shumë se secili sektor tjetër”, ka shtuar Thaçi, shkruan telegrafi, përcjell albinfo.ch.
Të ngjashme
Të tjera nga Kosova
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër